Para celebrar o Día mundial do Teatro

Agora que estamos a pasar unha terrible praga pode ser un bo momento para che propor unha actividade sobre esta obra de teatro de Roberto Vidal Bolaño:


Despois de ver o vídeo realizaremos a lectura dalgunha das escenas desta obra do PDF antes de responder ao seguinte cuestionario:

1- Como se chama a obra sobre a que estamos traballando?
2- Por que cres que leva este título?
3- A meirande parte dos personaxes desta obra que son?       E que sagrada misión teñen?
4- <b>O xénero teatral formalmente identifícase porque establece un diálogo</b> (entre os personaxes ou entre un actor/actriz ou actores/actrices e o público).
<b>En canto ao contido defínese por presentar un conflito</b> (un enfrontamento de ideas) que ás veces se resolve felizmente, outras remata en desgraza.
Na presente obra, cal cres que é o principal conflito que se presenta?
5- Esta obra é unha traxedia ou unha comedia? Por  que?
6- Esta obra ten unha temática crítica. <i><b>A chamada</b></i> é unha das escenas que destacamos. Realiza  un breve comentario do seu contido crítico.
7- Gustaríache facer unha pequena representación teatral esta ou outra semellante? Por que?

Comentarios

Publicar un comentario

Publicacións populares deste blog

TRADICIONAL E TROBADORESCO

Imaxe
O tradicional e o trobadoresco na lírica medieval galego-portuguesa En Galicia, o reino medieval máis vello de Europa, temos moitos indicios da existencia dende vello dunha tradición oral popular que crearía cantigas entre elas un tipo de canción feminina de temática amorosa , interpretada polas mesmas mulleres, tradición que, en boa medida, persistiu ata os nosos días a través das cantadeiras. Mais a literatura culta escrita en galego-portugués non comezará ata o século XIII coa chegada da moda do Lirismo Provenzal grazas ao Camiño de Santiago que trouxo a Compostela en peregrinación cos nobres occitanos as ideas do amor cortés ou trobadorismo e os seus gustos poéticos. Deste encontro entre a canción feminina tradicional e a lírica trobadoresca da Provenza comezan a escribirse as nosas cantigas en galego-portugués por autores galegos que tomando como modelos a lírica tradicional oral autóctona e o trobadorismo crearán os xéneros que hoxe coñecemos das cantigas de amigo, as
Ler máis

COMENTAR UNHA CANTIGA MEDIEVAL

Imaxe
Un dos obxectivos deste curso é desenvolver capacidades qu enos permitan comentar textos con certa soltura. Ir máis alá do recoñecemento de textos literarios e das súas carcaterísticas básicas, trátase de procurar entrar na fondura dos textos, na conexión entre o tema central e a súa estrutura, sumándose a coñecer mellor as etapas da literatura e os recursos máis habituais de autores, eses que marcan un estilo.  Como se comenta unha cantiga medieval? Vexamos un exemplo dunha cantiga ben coñecida   O TEU PRIMEIRO COMENTARIO
Ler máis

CONTIDOS 2ª AVALIACIÓN

UNIDADE 5 Gramática Os pronomes páx, 110-111-112-113. No blog: Os pronomes persoais Literatura: As cantigas satíricas. Orixe. Tipos e temáticas páx. 116-117 Os xéneros menores: Concepto e tipos. páx. 118 UNIDADE 6 Gramática: O adxectivo. Os graos do adxectivo. páx. 132-133 Literatura: As cantigas de Santa María. páx, 138-139 A prosa medieval. páx. 140 UNIDADE 7 Gramática: O verbo (I) páx, 160-161  ver cadros da páx.305-306 Verbos regulares con alternancia páx. 162 no blog: O verbo regular  Literatura: Os Séculos Escuros: Contexto e concepto. páx. 166-167 A literatura culta do XVI-XVII . A literatura culta do XVIII. páx. 168-169  No blog: O concepto descuberto por Sarmiento: Séculos Escuros, Tradición oral e Rexurdimento.   Día de Rosalía: Por que Rosalía está viva? 
Ler máis