Adios rios, adios fontes, Adios regatos pequenos, Adios vista dos meus ollos Non sei cando nos veremos.   Miña terra, miña terra,     5 Terra donde m' eu criei, Ortiña que quero tanto, Figueiriñas que prantei.   Prados, ríos, arboredas, Pinares que move o vento, 10 Paxariños piadores, Casiña dó meu contento,   Muíño d' os castañares, Noites craras de luar, Campaniñas trimbadoras 15 Dá igrexiña dó lugar,   Amoriñas d' ás silveiras Qu' eu lle dab' ó meu amor, Camiñiños antr' ó millo, Adios, para sempr' adios!  20   Adios groria! Adios contento! Deixo á casa onde nacín, Deixo á aldea que conoço, Por un mundo que non vin!   Deixo amigos por estraños,  25 Deixo á veiga pólo mar, Deixo, en fin, canto ben quero... ¡Quen pudera non deixar!...   .    .    .    .    .    .    .    .  ...

  A 3ª avaliación contará cunha proba escrita na semana do 19 de maio, unha serie de comentarios de textos dos autores do Rexurdimento que realizaremos despois da proba escrita e unha lectura do Plan Lector dun texto teatral  coa súa correspondente proba de comprensión e análise do texto.   LITERATURA  DOS SÉCULOS ESCUROS AO REXURDIMENTO. SARMIENTO  No libro as páxina 214.  OS PRECURSORES DO REXURDIMENTO  páxina 193.  Sarmiento, Xoán M. Pintos, Francisco Añón e Antonio Fdez Morales. ROSALÍA DE CASTRO   no libro de texto páxinas 240, 241 e 242, ademais ler os textos dos exercicios das páxinas 243 á 247. - Estrutura e temáticas do seus libros - Lingua e estilo EDUARDO PONDAL E CURROS ENRÍQUEZ  no libro de texto leremos as biografías, pero estudamos singularmente: Obra literarria, lingua e estilo. Principais eixes temáticos e ideolóxicos nas páxinas seguintes: - para Eduardo Pondal 288, 289 e 290 (ademais ler os textos dos exercicios p...

 Manuel Curros Enríquez   Eduardo Pondal Despois de coñecer algo mellor a Rosalía toca establecer semellanzas e diferenzas entre os outros dous grandes autores do Rexurdimento Pleno. falamos de Manuel Curros Enríquez, máis próximo a Rosalía, e de Eduarco Pondal, poeta que como veremos procura un estilo ben distinto do de Rosalía e do de Curros Enríquez.  O Rexurdimento é unha corrente literaria caracterizada , por unha banda, de poesía cívica ou social na que coinciden os tres poetas. Tamén coinciden na preocupación pola Terra, pola dignificación de Galicia, a exaltación da paisaxe e os costumes e, como non, da lingua galega, pero os contrastes son notables entre eles como veremos. Curros resulta ser máis optimista e directa que Rosalía na súa mirada cara ao futuro baixo unha óptica anticlerical e profundamente crítica cos poderes caciquís e relixiosos da súa época. Comparte con ela o gusto polo popular e a linguaxe sinxela, achegada ao pobo. Pondal, pola contra, elabora ...