Comentamos unha cantiga?
Para realizar un comentario non está demais ter en conta un esquema coma este:
Imos explicalo cun exemplo práctico da literatura galaico portuguesa medieval.
Que é un comentario?
• Identificar un tema central ou idea que
pretende comunicar un autor e argumentar cos recursos significativos do texto esa idea escollida.
• Tamén pode ser que teñamos que localizar un autor con respecto a un texto polo seu estilo e temática.
PARTES DUN COMENTARIO
• Lectura e información (se é preciso co
dicionario)
• Localización (xénero, autor, obra, data e
contexto social e literario)
• Interpretación ou núcleo:
a)
asunto, tema e punto de vista (lírico ou narrativo)
b)
estrutura (partes, relacións e elementos que as vertebran. Na narrativa: personaxes, espazo, tempo e
discurso)
c)
linguaxe (por niveis semántico: o ton / contido, o morfosintáctico: o ritmo/
forma e, no caso de ser poesía, o fónico: rima/sonoro-musical).
• Valoración (resumo e conclusións: poñendo en
conexión o tema cos distintos niveis comentados e a congruencia coa obra, autor
e corrente literaria á que pertenza).
• Para comentar un texto precisamos varias lecturas do mesmo.
• Despexar as dúbidas do léxico.
• Deducir a idea central e distinguilas das secundarias.
• Identificar as partes nas que podemos dividilo.
• Unha gran axuda ofrece o coñecemento previo da obra e do autor.
Ondas do mar de Vigo,
se vistes meu amigo.
E , ai Deus!, se verrá cedo.
Ondas do mar levado,
se vistes meu amado,
E , ai Deus!, se verrá cedo.
Se vistes meu amigo,
o por que eu sospiro.
E , ai Deus!, se verrá cedo.
Se vistes meu amado,
o por que hei gran coidado.
E , ai Deus!, se verrá cedo.
Martín Códax
2. LOCALIZACIÓN: Na Localización debemos contextualizar o texto con respecto á época e sociedade na que foi escrito e as correntes literarias existentes.
No caso de contar coa posibilidade de coñecer previamente ao comentario o autor e a obra, os coñecementos sobre o xénero empregado, os intereses temáticos do autor e as intencións estéticas axudarán moito á realización dun bo comentario.
Un exemplo para esta cantiga sería:
• No caso da cantiga de Martín Códax, o século XIII época do esplendor da lírica galaico-portuguesa, en pleno auxe da moda do amor cortés.
3. INTERPRETACIÓN OU NÚCLEO DO COMENTARIO: Fases da interpretación:
a)
asunto, tema e punto de vista (lírico ou narrativo)
b)
estrutura (partes, relacións e elementos que as vertebran. Na narrativa: personaxes, espazo, tempo e
discurso)
c)
linguaxe (por niveis semántico: o ton , morfosintáctico: o ritmo e fónico)
Para identificar o tema central o asunto ou resumo e os recursos máis significativos axúdannos:
Unha namorada intranquila pregúntalle ao mar
(simbolismo da natureza, reforzado con adxectivos como levado) polo seu
amigo, ao cal non ve, non se presenta e polo tanto sofre.
Tema : A queixa (ou incerteza ) pola
ausencia (ou retraso) do namorado
3.2 Estrutura: Do asunto e tema á estrutura: Punto de vista: a voz do texto.
Así como do asunto (ou resumo) deducimos o tema o punto de vista ( tras identificar a voz lírica ou tipo de narrador) que emprega o autor pasaremos a analizar a estrutura do texto. Neste texto o punto de vista ou voz é: Un eu escénico, é dicir unha primeira persoa na que o autor se agocha, Martín Códax é un xograr, pero escolle unha voz feminina para expresar os seus sentimentos.
Voz Lírica, tipo de estrofas ( pareados) Podemos comentar as partes que apreciamos tendo en conta o contido semático do poema (tamén podemos realizar agora unha análise da estrutura formal (estrofas tipo de poema)
• Trátase
texto lírico-narrativo (con elementos narrativos como o espazo e certos personaxes)
1ª parte: Introdución: Presentación do espazo simbólico e da personaxe da namorada (evocando ao amigo).
2ª parte: Intensificación da
incertidume da namorada.
3.3 Linguaxe: Debemos xustificar o tema escollido para o
comentario na linguaxe do texto que analizamos por niveis:
• Procurar o ton do texto no nivel semántico:
a)Cadeas léxicas (palabras relacionadas)
b)Connotacións
(suxestións do léxico)
c)
Artificios semánticos ou de contido (metáforas, epítetos…)
Na nosa cantiga atopamos no nivel semántico ou de contido: un ton anguriado e lastimeiro da namorada:
a) na cadea léxica da preocupación/queixa (vistes, verrá, sospiro, coidado) e da anguria (ai Deus,... )
b) Na connotación da incerteza e da queixa (se vistes,
se verrá cedo/ gran coidado)
c) Nos artificios semánticos como o epíteto “levado” que acompaña ao símbolo do mar ondas = paixón amorosa.
No nivel morfosintáctico ou formal: O ritmo tamén ésta moi relacionado co tema. Na linguaxe formal do texto atoparemos o ritmo ou dinamismo sexa negativo(lento) ou positivo(rápido):
a)Elementos
gramaticais: presenza ou ausencia de substantivos, verbos/ fronte adxectivos e
adverbios…
b)Tipo
de enunciados: oracións simples, subordinación…
c)Artificios
morfosintácticos ou formais: (figuras de repetición: anáfora, ou ausencia de
elementos: asíndeto…)
Nesta cantiga o dinamismo é lento recreándose ou subliñando a incertidume e queixa
da namorada.
a) Elementos gramaticais adxectivos e adverbios (cedo,
gran, levado…)
b) Enunciados subordinados.
c) Artificios formais de repetición: paralelismo, refrán e leixaprén.
No nivel fonético: A fonética (función dos sons do texto) ten maior importancia nos textos líricos que nos narrativos. Especialmente na poesía :
a) medida,rima e acentuación
b) artificios literarios baseados
na sonoridade (aliteración, onomatopeia, …)
a) O gusto
polo paralelismo das cobras dobras ou
estrofas de disticos ou pareados con rima
consonante (nun caso asonante rima femia ou grave aa refrán /bb refrán
/aa refrán,/bb refrán.) denota certa
irregularidade e o elemento tradicional do leixapprén e refrán propios do
estilo dun xograr popularizante.
b) artificios literarios baseados na sonoridade (aliteración, onomatopeia, …)
4- VALORACIÓN Todo comentario debe chegar a unhas conclusións unindo o tema a todos os aspectos analizados antes por separado que aparecían en cada un dos niveis para darlle unha interpretación conxunta.
• Relacionar o texto co autor e a corrente/ época á que pertence valorando no conxunto da súa obra o lugar que ocupa dito texto.
Na cantiga que comentamos diríamos:
O tema determina ton lastimeiro e de desacougo do texto.
• Asociado ao ton marcado por recursos
semánticos do mar e da incerteza da namorada que pregunta ao mar(símbolo da súa
paixón que vai medrando “levado” en intensidade) sobre o paradoiro do amigo
(ausente).
• O dinamismo lento ao que
axudan tanto a estrutura interna (de contido) do texto como a formal (leixaprén
) subliñado pola fonética do texto.
Logo para rematar TRADICIONAL E TROBADORESCO do texto nas conclusións:
• Trátase
dun poema da época de auxe da lírica
galaico-portuguesa, cantiga de amigo de carácter tradicional tanto pola temática da queixa da ausencia do
namorado posta en boca dunha muller, como polos recursos semánticos (simbolismo
do mar) formais e sonoros (paralelismo-leixaprén) mesmo polo uso do refrán.
• O autor é un xograr da Ría de Vigo do que se
coñecen ademáis do texto as melodías coas que adoitaban interpetar a cantiga
que forma parte do famoso Pergamiño Vindel.
• O trobadorismo nesta cantiga aparece no tratamento do sentimento amoroso “a cuita de amor”(queixa-dor) en termos e expresións próximas ao interrogante do tipo “se verrá cedo” que indican a necesidade de ver, o suspiro polo amigo, polo que “hei gran coidado” tan propios da moda provenzal do “amor cortés” neste caso observado no sentimentos da namorada.
• Trátase pois dunha mestura
evidente onde o tradicional máis
presente convive co trobadoresco. Mostra do pleno esplendor da lírica
galego-portuguesa do XIII e nun dos seus máis coñecidos xograres especialista
en cantiga de amigo e coñecido como o xograr da Ría de Vigo, pois a referencia
a Vigo aparece en todas as súas conservadas, Martín Códax.
Comentarios
Publicar un comentario