OS CANTARES DE ROSALÍA DE CASTRO
O Prólogo dos Cantares Gallegos nos que Rosalía desvela as súas intencións:
Unha dedicatoria
a Fernán Caballero: "por ser muller e autora dunhas novelas nas que se
apartou de manchar ao meu país".
A "captatio benevolentia" e o galego válido para a poesía:
"Grande atrevemento é, sin duda, pra un
probe inxenio como o que me cadrou en sorte, dar á luz un libro cuias páxinas
debían estar cheias de sol, de armonía e daquela naturafidade que...forman a
maior belleza dos nosos cantos populares...Por esto, inda achándome débil en
forzas e non habendo deprendido en máis escola que a dos nosos probes aldeáns,
guiada solo por aqueles cantares, aquelas palabras cariñosas e aqueles xiros
nunca olvidados que tan docemente resoaron nos meus oídos desde a cuna e que
foran recollidos polo meu corazón como harencia propia, atrevínme a escribir
estos cantares,... e como o noso dialecto doce e sonoro é tan apropósito como o
pirmeiro para toda clase de versificación ... comprendendo canto poidera facer
nesto un gran poeta, dóiome inda máis da miña insuficenza".
As fontes que a inspiraron e o idioma empregado:
O Libro dos Cantares de don Antonio Trueba,
que me inspirara...Foi este o móvil principal que me impeleu a pubricar este
libro que, máis que nadie, conozo que necesita a indulxencia de todos. Sin
gramática nin regras de ningunha clas, o lector topará moitas veces faltas de
ortografía, xiros que disoarán os oídos dun purista; pro ó menos, e pra
disculpar en algo estes defectos, puxen o maior coidado en reprodusir o
verdadeiro esprito do noso pobo, e penso que o conseguín en algo... si ben
dunha maneira débil e froxa. ¡Queira o ceo que outro máis afertunado que eu
poida describir cos seus cores verdadeiros os cuadros encantadores que por aquí
se atopan, inda no rincón máis escondido e olvidado, pra que así, ó menos en
fama xa que non en proveito, gane e se vexa co respeto e adimiración merecidas
esta infortunada Galicia!
A necesaria dignificación de Galicia:
Cantos, bágoas, queixas, sospiros, seráns, romerías, paisaxes, devesas, pinares, soidades, ribeiras, costumes, todo aquelo, en fin, que pola súa forma e colorido é dino de ser cantado, todo o que tuvo un eco, unha voz, un runxido por leve que fose, con tal que chegase a conmoverme, todo esto me atrevín a cantar neste homilde libro pra desir unha vez siquera i anque sea torpemente, ós que sin razón nin conocemento algún nos desprezan, que a nosa terra é dina de alabanzas, e que a nosa lingua non é aquela que bastardean e champurran torpemente nas máis ilustradísimas provincias cunha risa de mofa que, a desir verdade (por máis que ésta sea dura), demostra a iñorancia máis crasa i a máis imperdoable inxusticia que pode facer unha provincia a outra provincia hirmán por probe que ésta sea. Mais he aquí que o máis triste nesta cuestión é a falsedade con que fóra de aquí pintan así ós fillos de Galicia como a Galicia mesma, a quen xeneralmente xuzgan o máis despreciable e feio de España, cando acaso sea o máis hermoso e dino de alabanza...
Galicia é sempre un xardín donde se respiran
aromas puros, frescura e poesía... E a pesar desto chega a tanto a fatuidade
dos iñorantes, a tanto a indina preocupación que contra a nosa terra esiste,
que inda os mesmos que poideron contemprar tanta hermosura (xa non falamos dos
que se bulran de nós sin que xamais nos haian visto nin aínda de lonxe, que son
os máis), inda os que penetraron en Galicia e gozaron das delicias que ofrece,
atrevéronse a decir que Galicia era... ¡¡un cortello inmundo!!...
Comentarios
Publicar un comentario